DIARY

Faniriana tokoa moa hiara-hankalaza ny Noely sy ny faran'ny taona anilan'ireo namana akaiky sy havana any Madagasikara.
Kanefa na dia eo àry ny elan'elan-tany, dia misy ny marika maro isan-karazany ahazoantsika miara-paly amin'ireo olona akaiky antsika am-po ireo.
Noho izany indrindra dia misy namana akaiky niara-nianatra tamiko tany Madagasikara ankehitriny manana tetik'asa mitodika amintsika Malagasy aty am-pitandranomasina sy ireo havantsika any an-toerana: DIASPO'SERV.

Amin'izao ankatoky ny faran'ny taona izao àry dia tolotra "NOELY" no karakarain'ny Diaspo'serv, ny fanazavana tsotra momba izany dia hitanao amin'ny sary eo ambany, misy ihany koa ny mailaka sy laharana an-tarobia azo angatahana fanazavana fanampiny voarakitra eo.

Raha fintinina moa izany ilay tolotra dia mofomamy ho an'olona valo, miaraka amin'ny firarian-tsoa, ary dia aterin'izy ireo any an-tokatrano tsirairay avy. 

Zaraina amintsika namana moa izy ity satria inoana marimarina fa ahafaly ny mpanolotra sy ny tolorana ny ahazo ny mamy indrindra zaraina amin'ny fetin'ny Noely ary hampiombom-pifaliana tokoa na dia lavitra aza ny elan'elan-tany.

Koa dia manasa anareo namana àry amin'izany "Surprise de Noël" izany.

Tamin'ny 15 septambra 2007 teo no nanatontosana ny fanamasinana ny tokatranonay tany Madagasikara.

Nahafinaritra sy nahafapo tokoa izany ka zaraina aminareo eto ny sary.

Ho avy tsy ho ela ihany koa ny tranonkala voatokana amin'izany. 

Voromailala & Ers 

Tsy tanatin'ny fety lehibe toy  ny fizarana diplaoma any Madagasikara no nandraisana ny diplaoma (Master Sciences économiques et de gestion - Marketing Vente) nomanina tao amin'ny Université de Savoie.

Fa voaray avy tamin'ny alalan'ny paositra. Na izany na tsy izany, dia fifaliana lehibe ny naharay izany, eritaona taorian'ny nahavitan'ny fianarana.

Ka dia nalaina sary natao fahatsiarovana.

 sary: Voromailala

Mahafinaritra ahy ny maka sary, ary mahafinaritra torak'izany ihany koa, ny mizara izany aminareo.

sary ers oktobra 2006

Naka ny sary: Voromailala 

Maro ny fampiasana ny blaogy : diary manokana, fizaram-baovao, sns.

Isan'ny fitaovana iray manampy tokoa ity sehatra iray ity amin'ny fitadiavana asa ankehitriny. Ny blog moovement no anisan'ny mampivelatra ity fomba iray ity.

Eo anilan'ny fandefasana CV etsy sy eroa, dia manana ny lanjany lehibe ny fampiasana ny blaogy: maro ireo efa nahita soa tamin'izany ka dia ataoko aloha satria ny soa fianatra:-)

Ankilan'izay koa dia ilaina ny fidirana amin'ny tranonkala natao hanitarana ny olom-pantatra sy ny olona ifaneraserana ("réseau professionnel"). Ireo olona ireo mantsy dia anisan'ny manampy amin'ny fitadiavana asa satria miampitampita ny CV ary dia farany dia hitan'ireo izay mitady mpiara-miasa.

Tsy misy fepetra manokana amin'ny tokony ho soratana ao anatin'ny blaogy "asa", ny ahy izao dia afaka jerenao eto

Momba ilay "réseau" noresahako tetsy ambony, dia ao ny viaduc, 6nergies, openbc. Matetika dia mila fanasàna ahafahana manokatra kaonty. Izaho izao dia ao amin'ny viaduc, koa dia manasa anareo ary hisoratra anarana. Maro ny zavatra azonao atao ao avy eo: mampitombo ny olom-pantatra, mitady ireo namana taloha, sns.

Nijotso tsy nijanona ny orana anio tontolon'ny andro.

Ny maraina ary dia lasa izahay nandeha namonjy fotoam-pivavahana tao amin'ny Chapelle Notre Dame de la Médaille Miraculeuse, io toerana io moa ilay nisehoan'i Masina Maria tamin'ny taona 1830.

Tonga ny atoandro dia nanao sakafo malagasy, ka dia ravitoto sy henakisoa no teo ary.

Nisy namana niantso nizara ilay fiantsoana gratos any dago (izay nampahalalain'i voromailala tao amin'ny blaogy ihany koa). Rafitra niantso teo ka dia lany ny tolak'andro manontolo. Nantsoina daholo ny fianankaviana, ny tapaka sy namana rehetra ary ny resaka indray no lany ny farany.

Mbola nisy fanampiny koa avy eo fa hay ity izy koa dia azo iantsoana mobile eto france gratos.

Maromaroa ny ohatran'io 

Sendra nandeha tamin'ny fahitalavitra ity horonantsary ity ka nanaitra tokoa. Hita ao amin'ny site Internet n'ny SOS Sahel ihany moa ilay izy ka dia indro zaraina aminareo.

Mampihetsi-po tokoa kanefa dia misy ireny tranga ireny ary mbola maro.

http://www.sossahel.org/dl_bibliotheque/SOS%20Sahel.mpg

    Dia tapaka ary ny hevitra niaraka tamin'i Tse fa andeha ho any Antsirabe. Tonga soa aman-tsara, ka rehefa hita ny hotely hipetrahana dia lasa nankany Andranomafana. Kinanjo mihidy ny filomanosana amin'ny 11 ora, mba niangavy kely teo hoe mandalo fa tsy haharitra ela ao an-toerana nefa mba nanantena ny hilalao rano tao izahay ka nahazo alàlana ihany ny farany.

Ny ampitso dia nijery tanana, nihaona tamin'ireo mpiara-mianatra niorom-ponenana any na avy any an-toerana, nitaingin-tsoavaly, sns. Iny izahay teo amin'ny gara no nisy posy ni-insiste hoe : "Tsa mba haka sary na andende @posy anga nareo? Ho any Andranovisy na Andraikiba any?" Gaga aloha izahay ka nanontaniana tsara hoe :"Tonganao angaha any Andraikiba?"; "Eny hoy izy fa 7km io, efa zatra makany 'zay". Raikitra ary ka dia roso ny dia, tonga soa aman-tsara tany Andraikiba, ary voahatitra tany Andranovisy avy eo.

Ka 'reto misy tahirin-tsarin'ny teny andalana sy ny toerana notsidihina. Fa rehefa vita ny dià dia hita fa lavitra ilay lalana fa efa zatra tokoa angaha ny posy ka tsy nisalasala ... 14 km be izao ! 

Nandeha niala sasatra tany an-tanindrazana  ary dia nandeha kely tany Andraikiba ka indreto zaraina aminareo ny santionan-tsary tamin'izany.

• Fandraisana
• Tahiry
• Tahirintsary
• Rohy
• Admin

• MOFOMAMIN'NY NOELY
• Vita soa amantsara ny mariazy: Voromailala & Ers
• Azo ny diplaoma
• Sariko
• Blog manampy amin'ny fitadiavana asa

• Ankapobeny [8]
• Vacances dago [2]

• RSS 0.90
• RSS 1.0
• RSS 2.0
• Atom